Сиз азизларни жамоамиз номидан 21 октябрь — Ўзбек тилига давлат тили мақоми берилган кун билан самимий муборакбод этаман.

Миллий тил — курраи заминимиздаги барча халқлар ва миллатларнинг маданий ўзаги, асосий мулоқот манбаи ҳисобланади. Она тилимиз орқали алла эшитганмиз, оилада тарбия, ўқув муассасаларида таълим олганмиз, урф-одат, анъана ва маданиятларимиз руҳиятимизга сингган.

1989 йил 21 октябрда Ўзбекистон Республикасининг “Давлат тили ҳақида”ги Қонуни қабул қилинди. Ўзбекистон Республикаси Конституцияси — Бош Қомусимизнинг 4-моддасида “Ўзбекистон Республикасининг давлат тили ўзбек тили” эканлиги ва Ўзбекистон Республикаси ўз ҳудудида истиқомат қилувчи миллат ва элатларнинг тиллари, урф-одатлари ва анъаналари ҳурмат қилинишини таъминлаши, уларнинг ривожланиши учун шароит яратилиши белгилаб қўйилган.

Алқисса, тил — тарих, тил — маданият, тил — миллий қадриятимиз унсури.

Фурсатдан фойдаланиб, Ўзбекистон аҳлини, жаҳон мамлакатларидаги ватандошларимизни, қолаверса энергетика соҳаси жонкуярларини бугунги байрам билан самимий табриклаб, барчангизга бахт-саодат, хонадонларингизга файз-барака, тинчлик-омонлик тилайман.

Ҳурмат билан,

Дадажон Исақулов, «Ўзбекистон миллий электр тармоқлари» акциядорлик жамияти бошқаруви раиси

‖ Веб-саҳифа ‖ Facebook ‖ Instagram ‖ ‖ Twitter ‖YouTube ‖

«Ўзбекистон МЭТ» АЖ Ахборот хизмати

http://t.me/uzmetaxborotxizmati