Ayni paytda tabiiy ofatdan eng ko‘p talafot ko‘rgan hudud — Buxoro viloyatida «O‘zbekiston MET» AJga qarashli havo tarmoqlarini tiklash, ya'ni zarar yetgan tayanch ustunlarini ta'mirlash hamda yangilash ishlari bilan bir nechta brigadalar tonggi soat 6:00 dan tungi 00:00, ya'ni yarim tunga qadar ish faoliyati olib borishmoqda.
Misol uchun, viloyatning Qorako‘l tumani, Tayqir MFY hududidagi cho‘l zonasida 70 nafardan ortiq mutaxassis-xodimlar «Hamza-2» liniyasining tayanch ustunlarini tiklash bilan shug‘ullanishmoqda.
Tayqir qishlog‘ida ish olib borayotgan energetiklar tasarrufida 4 ta avtokran, 1 ta buldozer, 2 ta ekskavator, 3 ta tayanch ustuni tashish yuk avtomobillari hamda 5 ta maxsus ustaxonali yuk mashinalari mavjud. Ular yuqori kuchlanishli havo tarmog‘ining 8 ta tayanch ustunlarini tiklamoqdalar.
«O‘zbekiston MET» AJ Axborot xizmati
Kanalga a'zo bo‘ling! t.me/uzmetaxborotxizmati